MGA KABABAIHAN SA SYUDAD AKTIBONG MISALMOT SA JUANA KANTA CHALLENGE UG JUANA DANCE CHALLENGE COMPETITION

Nahimong bibo ang culmination program sa selebrasyon sa Women’s Month. Dunay Juana Kanta Challenge Competition ug Juana Dance Challenge Competition asa dunay lima ka mga finalists gikan sa managlahing Barangay. Gawas niini dunay mga intermission number nga mas nag hatag kalingawan sa mga nanan-aw.

Nahimong kampeon ang Barangay Fort Poyohon sa Juana Kanta Challenge Competition, gisundan dayon sa Barangay Maug nga 2nd placer, 3rd ang Barangay Baan KM.3, ug nakadawat og consolation prizes ang Barangay Ampayon ug Barangay San Vicente.

Samtang kampeon ang Barangay Agao sa Juana Dance Challenge Competition.Gisundan kini sa Barangay San Vicente ug ikatulo ang Barangay Maug. Nakadawat sab og consolation prize ang Barangay Libertad.

Gihatagan sab og Certification of Award ang lima ka Barangay human nituman sa tema selebrasyon sa Women's Month. Gilangkuban kini sa Barangay Maon, Barangay Bobon, Barangay Baan KM 3, Barangay San Vicente, ug Barangay Camayahan para na sa Thematic Award.

Gipasalamatan ni Konsehal Rema Burdeos, Chairperson sa Committee on Women, Children and Family Concern ang mga focal person sa managlahing Barangay kay dili mahimong memorable ang usa ka buwan nga kasaulugan sa Women's Month kung dili tungod sa ilang kooperasyon. Gawas niini, gi highlights niya ang mga programa nga padayon gihingusgan sa mga ka Barangayan aron ma protektahan ang mga kababaihan lakip na ang mga kabatan-onan.

Ang Women's Month usa ka bulan nga selebrasyon agig pag hatag importansya sa mga kababaihan pinaagi sa nagkalain-lain nga aktibidades para ipakita ang ilang talento ug ipasundayag ang mga gama nga produkto.

Ang Lokal nga Panggamhanan sa Butuan sa pagpanguna ni Mayor Ronnie Vicente Lagnada naningkamot nga mahatagan og angay nga serbisyo ang mga kababaihan pinaagi sa nakalinya nga programa nga mag hatag kanila og economic independence ug igong impormasyon nga gikinahanglan para dili matumban ang ilang katungod. Nag tinguha sab si Mayor Lagnada nga pinaagi niini makab-ot sa Butuan City ang VAW-C Free nga syudad.

News and Events Photo: 

Get in touch with us

Contact us

Republic of the Philippines

Office of the City Mayor

J.Rosales Avenue, Doongan

Email Address:   [email protected]

Education - This is a contributing Drupal Theme
Design by WeebPal.