Nakabenepisyo sa libreng training sa Body Massage ang pipila ka mga indibidwal nga gipahigayon sa Butuan City Manpower Training Center kun BCMTC. Gitinguha sa opisina nga pinaagi sa libreng training makakat-on ang mga indibidwal sa maayong epekto sa pagmasahe. Gitudloan ang mga benepisyaryo sa mga angay nga buhaton atol sa pagmasahe depende sa gibati sa pasyente. Mahimong magamit nila ang ilang nakat-unan sa pagpangita og trabaho ug makaserbisyo sab sila sa ilang mga pamilya ug higala. Ang pagbansay libre hatud sa Lokal nga Panggamhanan pinaagi sa BCMTC para sa tanan nga gusto makakat-on sa pagmasahe. Sa mga gusto makabenepisyo sa libre nga training ug makabalo sa mga gikinahanglang rekisitos mamahimong muadto sa buhatan sa BCMTC nga nahimutang sa DOP Building, Government Center, Brgy. Tiniwisan. Gi-awhag sab ang uban nga pwede bisitahon ang FB Page sa Butuan City Manpower Training Center, o di kaha tawag sa 09306383901. Nagsugod ang training niadtong Enero 3.