Sumala sa pronouncement ni Presidente Rodrigo R. Duterte magpahigayon og pag-inventory ang mga barangay sa mga bakunado ug dili bakunado. Pagaadtuon ang mga panimalay aron sa pagsusi sa ilang estado sa pagpabakuna ug aron sa pag-ingganyo sa wala pa, nga magpabakuna na. Ang pronouncement gi-issue sa DILG memorandum circular No. 2022-002 niadtong Enero 18, 2022 diin tumong niini mao ang pagpakgang sa pagkuyanap sa COVID-19 sa nasud. Nagpahigayon na sa pag-imbentaryo ang Brgy Masao, Bayanihan, Golden Ribbon, Dumalagan ug Baan Km 3. Giawhag ang tanan nga magpabakuna ug magpadayon sa pagsunod sa mga minimum health protocols.