Gihingusgan sa City Health Office kun CHO ang pagtudlo ug pagpasabot sa mga indibidwal kalabot na sa HIV ug AIDS asa abli ang buhatan nga mo-orient sa mga personahe sa mga establisamento sa syudad nga midangop sa ila aron sa pag request sa orientation. Way pagduha duha nga mihatag og kaalam ang CHO sa mga personahe sa mga establisamento nga miduol kanila. Usa ka massage spa ang nagpa-orient sa ilang mga personahe aron mahibalo sila unsa nga klase nga mga sakit ug unsay posible nga buhaton aron malikayan ang pagkanat niini. Sumala usab sa City Health Office, daku ang papel sa ingon ani nga orientation hilabi na sa mga massage spa nga mag-gunit og managlahi nga mga kliyente. Importante sab nga mahibaw-an nila sa unsang paagi ang pagtakud sa mga sakit ug mahibaw-an unsa ang mga misconception niining mga sakit. Sa mga establisemento nga buot magpa-orient sa City Health Office kalabot niini, abli ang buhatan sa CHO mu-orient sa mga personahe. Mamahimong mubisata sa buhatan tupad sa Butuan Medical Center kon BMC sa Barangay Tiniwisan Butuan City.