Aprobado na ni Vice Mayor Lawrence Fortun ang SP Resolution No. 349-2022 nga gipangamahanan ni SK Federation President Cynth Zephanee Nietes. Ang paghatag og Achievement Incentives kang Thea Marie Pomar nga nagkantidad sa 550,000 pesos gikan sa lokal nga panggamhanan sa Butuan. Kini tungod sa gipakitang kadaugan panahon sa kompetisyon sa Open De Badminton Cameron International 2022 adtong Agosto 25-28 tuig 2022 sa Yaounde Multipurpose Sports Complex, Yaounde Cameron ug Benin International 2022 adtong Septyembre 8 hangtud 11 tuig 2022 sa Benin Gymnase Institut Regional De Sante Publique Cotonou, Benin. Nasakmit ni Thea Marie Pomar ang Gold Medal sa dulang Badminton Womens Doubles hinungdan makadawat kini og 200,000 pesos. Silver Medal ug duha ka bronze medal sa Badminton Mixed Doubles busa makadawat 350,000 pesos. Gihingusgan sa City Sports Office nga mapunduhan ang paghatag og insentibo sa mga Butuanong atleta nga hugtanung gisuportahan ni Mayor Ronnie Vicente Lagnada, Vice Mayor Lawrence Fortun ug mga myembro sa sangguniang panlungsod subay sa giaprobahang ordinansa nga gipangamahanan ni City Councilor Cromwell Nortega. Kini aron madasig ang mga atleta nga maningkamut ug maghatag og dakong dungog sa syudad sa Butuan. Ang paghatag og insentibo sa mga Butuanong atleta paagi usab sa city government sa Butuan isip suporta sa mga atleta panahon sa kompetisyon ngadto sa laing nasud.