Gipahigayon ning adlawa sa Hotel Oazis Convention Center ang pinaka unang Management Review sa lokal nga panggamhanan sa Butuan. Gihisgutan atol sa Management Review ang Status of actions from previous management, update sa QMS ug ang changes sa internal ug external issue sulod sa City hall asa dunay tagsa-tagsa ka mga papel ang mga departamento niini. Isa na niini mao ang pagabuhaton nga Audit sa matag departamento aron makita nga transparent ug naga sunod ang tanan sa standard sa usa ka pampublikong opisina. Nalakip sab sa nahisgutan ang medium to long term project sama sa river park, command center, pag renovate sa BMC, ug uban pa nga mga proyekto, nga gilaumang makab ot sulod sa duha ka tuig. Gihangyo ni Mayor Lagnada ang suporta ug kooperasyon sa tanang empleyado pinaagi sa paghimu sa mandato aron nga mapalambo ug mahimung episyente ang tanan sa tagsa ka trabaho. Gisiguro ni City Mayor Ronnie Vicente Lagnada nga gawas sa Management Review aduna sab one on one sa mga department heads aron mas mahisgutan pa ang mga programa nga kinahanglan ipatuman sa matag opisina lakip na ang suporta niini sa mga dagko nga proyekto sa syudad. Ang Management Review gisalmotan usab ni Vice Mayor Lawrence Lemuel H. Fortun, ug mga Department Heads sa Lokal nga Panggamhanan sa Butuan.