Nakigpulong si City Councilor Arturo Gado, Committee Chairman sa Agriculture, Fisheries ug Agro-Forestry sa mga partner nga ahensya ug asosasyon sa syudad. Kini gilangkuban sa Butuan Pork Producer Association, National Meat Inspection Service kun NMIS, Bureau of Animal Industry, Lechoneros Association, Caraga State University, DA Caraga, City DILG, City Veterinary Office ug uban pang buhatan sa lokal nga panggamhanan sa Butuan alang sa lawom nga diskusyun ug pagdungog sa mga rekomendasyon sa gimugna o giduso nga ordinansa sa pagpalig-on ug pag-institutionalize sa mga preventive measures o pagkontrol sa pagsulod sa African Swine Fever kun ASF sa syudad. Alang sa komitiba ni Konsehal Gado ang hugot nga koordinasyon ug pagtinabangay sa hiniusang pwersa sa nasangpit nga mga buhatan ug ahensya usa sa makatabang aron malikayan ang pagkuyanap sa ASF. Apil usab nahisgutan ang mga implementing guidelines sa Bantay ASF sa Barangay Program. Gikonsidera sa city government sa Butuan nga usa ka seryosong hulga ang ASF nga makaapekto sa swine industry sa syudad. Hinungdan gipahugtan ang mga lakang aron mapugngan ang pagsulod niini syudad sa Butuan pinaagi sa komitiba ni Konsehal Gado.