Daling naaksyunan sa lokal nga panggamhanan sa Butuan sa pagpanguna sa Office of the City Building Official, LTTMO, telecommunication companies, ug ANECO ang natumbang mga poste sa may Langihan Public Market. Gipamutol ang mga wires nga nakakabit sa poste. Tungod niini, gipahimangnuan ang mga residente ug mga nanag iya og etsablisamento sa pipila ka bahin sa Barangay Holy Redeemer ning syudad sa pagkawala sa suplay sa kuryente. Giabisohan ang tanan nga makasinati og hinay nga dagan sa trapiko sa lugar tungod dili pa usab maagihan ang ubang parte sa Langihan Road dapit sa may Public Market. Gisiguro usab sa LGU-Butuan katambayayong ang ubang ahensya nga daling maplastar ang bag-ong mga poste ug linya aron mabalik na ang kuryente sa lugar.