Hugot nang gipangandaman ang pagbisita sa Pilgrim Relics ni Saint Therese of the Child Jesus sa syudad karong Marso 28, Martes. Ang pagbisita sa mga lugar sa Pilgrim Relics ni St. Therese may tema nga "Lakbay Tayo, St. Therese! Kaalagad, Kaibigan, Ka-misyon." Ang ruta sa Pilgrim Relics mag una sa Saint Joseph Cathedral sa alas 2:00 sa hapon, pagka human mobisita sa Police Regional Office - XIII ug dalhon dayon si Saint Therese of the Child Jesus sa Santo Ñino Diocesan Shrine sa Barangay Libertad. Abli sa publiko ang pagbisita sa Pilgrim Relics ni Saint Therese of the Child Jesus. Ang umaabot nga pagbisita sa Pilgrim Relics ni Saint Therese gisuportahan sa Lokal nga Panggamhanan sa pagpanguna ni Butuan City Mayor Ronnie Vicente Lagnada pinaagi sa paghatud serbisyo nga gikinahanglan sa pagbisita niini.