Pormal nang gipa ila-ila sa publiko ang 16 nga mga kandidata sa 2023 Mutya Hong Butuan sa SM City Event Center kaganinang hapon. Suot ang black pants ug black nga t-shirt usa usang nirampa ang mga kandidata ug nagpaila-ila sa ilang kaugalingon asa nakapahugyaw sa mga bisita. Excited na ang tanan kung kinsa ang makoronahan isip Mutya Hong Butuan 2023 ug makadawat sa premyo nga 500 thousand pesos. Gawas niini, gipahibalo sab ni City Councilor Eduardo Gonzalez isip Committee Chairman sa Tourism ang mga nakalinyang aktibidad sa Balangay Festival. Human sa programa gipahigayon gilayon ang press conference asa gihatagan sa higayon ang mga media partners nga makapangutana sa mga miyembro sa Tourism Committee. Nahimong malampuson ug hapsay nga natigayon ang aktibidad ug giawhag ang tanan nga atangan ang mga nakaschedule nga aktibidades asa isa na niini ang Pageant Night sa Mayo 17 nga ipahigayon sa Sports Complex Barangay Libertad ning syudad. Anaa ang presensya sa miyembro sa sangguniang panlungsod nga sila City Councilor Eduardo Gonzalez, Joseph Omar Andaya, Cherry May Busa, Ehrnest John Sanchez, Cynth Zephanee Nietes, Mutya Hong Butuan Committees, Head of Office sa LGU Butuan, pamilya ug higala sa mga kandidata, media partners ug uban pang bisita.