Nagpadayon karon ang gipahigayong Business One Stop Shop sa LGU Butuan sa pagpanguna sa City Business Permits and Licensing Office. Niabot na sa kapin 10,000 ka mga patigayon sa syudad ang naka renew ug nakakuha na og business permit. Gidayeg sa mga nanag iya og patigayon ang hapsay ug dali nga pag proseso sa ilang business permit. Daghan kanila ang mipahayag nga stress-free ug hassle-free ang permit processing asa kini dakong tabang aron dili mahurot ang oras sa pag proseso lamang sa business permit. Gisugdan ang BOSS Enero dos ning tuig ug molungtad hangtud Enero 31 nga gipahigayon sa South Atrium Robinsons Place Butuan. Mihangyo ang Lokal nga Panggamhanan sa Butuan sa pagpanguna ni Butuan City Mayor Ronnie Vicente Lagnada nga iproseso na ang mga rekisitos aron makakuha og business permit.