Hingpit nga gitutukan sa Committee on Barangay Affairs ug Committee on Franchises and Licenses ang Proposed SP Ordinance No. 16-091-2022 o ang “Ordinance Establishing a Uniform Numbering System for Houses, Buildings, Establishments, and all Other Structures within the City of Butuan, repealing for this Purpose SP Ordinance No. 1734 (80), As amended by SP Ordinance No. 229-81 and SP Ordinance No. 540-87, and for other Purposes”. Ang ordinansa mas naila nga “The Uniform Building and Other Structures Numbering System Ordinance of Butuan City.” Ang pagmugna sa ordinansa base sa mga suhestyon ug rekomendasyon sa Technical Working Group kon TWG sa nasangpit nga komitiba. Gisaka sa TWG nga gikinahanglan nga ang tanang Barangay sa syudad magpatuman og numbering sa tanang balay, commercial building, establishments, institutional, industrial, agricultural, ug lakip na ang ilang territorial jurisdiction. Nasabutan usab nga adunay usa lamang ka Number Plate Design para sa tanan aron adunay pareho nga size, shape, color scheme, fonts, ug mga numero nga makita sa number plate design. Padayon pa gihapon ang pagabuhaton nga Committee Hearing sa nasangpit nga komitiba aron hisgutan ang proposed ordinance para sa syudad ug gisiguro nga ang tanan nakalatid sa ordinansa subay sa mandato ni Butuan City Mayor Ronnie Vicente Lagnada nga plastar nga address sa tanan.