Misalmot sa Smart City Summit and Expo kun SCSE ang delegasyon sa Butuan nga gipahigayon karon sa Kaohsiung City isip ikaduhang venue. Ang Smart City Summit and Expo adunay duha ka venue, sa Taipei ug sa Kaohsiung, Taiwan. Human sa duha ka adlaw nga SCSE sa Taipei, karon ang mga delegado sa LGU Butuan niadto usab sa Kaohsiung aron masaksihan usab ang mga meetings, exhibits ug uban pang mga display. Adunay mga 30,000 kapin ka mga bisita ug kapin 600 ka mga booths sa SCSE. Usa sa mga highlights sa summit ug expo, ang 5G ug AIot. E-governance, carbon neutrality, ug smart industrial area. Sa pag-abre sa maong Summit, gi welcome sa Mayor sa Kaohsiung nga si Chen Chi-mai ang mga partisipante ug nag nag-ingon nga aron molambo ang kalidad sa atong kinabuhi, kinahanglan ang pagtinabangay aron sa kalambuan sa kinabuhi ug aron mahimong mas nindot ug luntian ang lugar sa Taiwan ug sa tibuok kalibutan. Ang delegasyon sa LGU-Butuan gipangunahan ni Mayor Ronnie Vicente Lagnada nga nagtinguha nga madala ug ma apply sa Butuan ang ilang mga nakat onan sa SCSE.