Pormal nang giturn-over ni Vice Mayor Lawrence Fortun ang bag-ong Multi-Purpose Building sa Barangay Taligaman ning syudad sa Butuan asa nahimutang mismo sa Taligaman Central Elementary School. Dako ang kalipay ug pasalamat sa mga personahe sa tulunghaan tungod dako kining tabang ilabina alang sa mga estudyante asa mamahimong nang plastado ang pagpahigayon sa mga aktibidad. Personal sab nga mipaabot sa pasalamat si Punong Barangay Elegia Intino kang Vice Mayor Fortun gumikan sa proyektong imprastratura nga gipaabot sa barangay nga karon magamit na sa mga residente. Giklaro usab ni Vice Mayor Fortun nga ang maong proyektong nakaabot sa kabarangayan kini nagsumikad sa mga gibayad nga buhis sa katawhan ug usa lamang siya sa instrumento aron magahinan og pondo ang mga proyekto alang sa kaayuhan sa kinatibuk-an. Nanghinaut si Vice Mayor Fortun nga magtinabangay ang tanan aron molungtad og dugay ang building sa ingon makapahimulos pa ang ubang henerasyon. Ang maong turn-over ceremony gitambungan sa mga personahe sa DPWH-BCDEO, barangay kagawad, faculty ug staff sa nasangpit nga tunghaan, mga ginikanan ug uban pang bisita.