Pormal nang nanumpa atubangan ni Vice Mayor Lawrence Lemuel Fortun si Barangay Kagawad Nilda Barril isip hulip kang Kagawad Joefel Cane sa Barangay Diego Silang ning syudad. Si Kagawad Barril mipasalig sa paghatag sa hugot nga suporta sa tanang gipatumang programa ug proyekto sa Barangay Diego Silang alang sa dugang kalambuan sa barangay ug aron mahatag ang tinud-anay nga serbisyo sa tanang katawhan. Andam usab si Kagawad Barril muhatag sa iyang suporta sa hiniusang pwersa sa kasamtangang administrasyon ni Mayor Ronnie Vicente C. Lagnada ug sa 16th SP members alang sa kaayuhan sa tibook syudad sa Butuan.