Pormal nang giablihan ang selebrasyon sa Balangay Festival 2023 Madiyaw Balangay sa Festival Center Sports Complex kagabii. Gipangunahan ni Mayor Ronnie Vicente Lagnada kauban sila Vice Mayor Lawrence Fortun, Congressman Joboy Aquino ug Sangguniang Panlungsod members. “Ang atong theme karon re-magining the past and creating the future. Dili nato pwede malimtan asa ta naggikan kay diha nato kuhaon atong kusog moving forward mabal-an nato atong strengths atong weaknesses para moving forward mainsakto ang atong mga desisyon, mainsakto atong mga plano sa pagpalambo sa atong syudad sa Butuan,” tipik sa mensahe ni Mayor Ronnie Vicente Lagnada atol Madiyaw Balangay kagabii. Nanguna si Department of Tourism Regional Director Ivonnie Dumadag sa Balangay Festival Toast alang sa tanang Butuanon ug bisita nga dunay pagpasalamat, paglaum ug pag-ampo alang sa dynamic nga syudad sa Butuan. Atol sa Grand Opening, gipakita ang klase-klaseng pasundayag nga nahisubay sa nagkadaiyang tradisyon, kultura, ug produkto nga anaa sa nasud nga hangtud karon padayon nga napahimuslan sa mga Pilipino. Anaa usab ang mga bisita gikan sa laing nasud asa nakigsaulog sa Butuan. Apil usab sa selebrasyon ang pag pa ila ila sa 16 nga kandidata sa Mutya Hong Butuan 2023 nga nagpakaita sa kagahum sa mga kababayen-an nga usa ka reyna sa gingharian. Samtang, naghugyaw ang sports complex dihang gisugdan na ang konsyerto asa unang nagpabibo si DJ Inan nga nagpasayaw ug nagpasabay sa pag awit sa tanan. Gisundan sa bandang Patatas, dayon ang The Playlist Band nga nagpakilig sa tanan, ug ang talagsaong klase ug style sa pag awit ni Kokoi Baldo. Mas nakapahugyaw sa audience ang pagkanta sa sikat nga National band nga Cueshe. Mapasalamaton si Mayor Lagnada, Vice Mayor Fortun ug Congressman Aquino sa tanan nga nakigsaulog sa Balangay Festival 2023.