Pormal nang gitunol sa lokal nga panggamhanan sa Butuan ang bag-ong 2-Storey Building ngadto na sa Butuan City Jail - Female Dormitory kaganinang buntag. Si Konsehal Ehrnest John Sanchez ang nanguna sa turn over ceremony isip representante ni Mayor Ronnie Vicente Lagnada. Makita sa bag-ong 2-Storey Building ang mga pasilidad nga magamit sa mga personahe sa BJMP sama sa Butuan City Jail - Female Dormitory Admin, Operation Section, Kusina, ug Multi-Purpose Building. Gipaabot BJMP-Caraga sa pagpanguna ni JCSUPT Maria Irene Esquinas, Regional Director of the Jail Bureau ang ilang kalipay sa gihatag nga bag-ong pasilidad sa Lokal nga Panggamhanan sa pagpanguna ni Butuan City Mayor Ronnie Vicente Lagnada. Suportado ni Mayor Lagnada ang mga lakang nga makahatag og igong kaayuhan sa mga babayeng Person Deprived of Liberty kun PDL sa syudad. Gisiguro nga ang mga nakabuhat og krimen adunay tulubagon apan responsibilidad usab sa mga ahensya nga masiguro ang safety, comfort, ug well-being sa mga PDL nga anaa sa kustodiya sa syudad. Nahimong posible ang pagpatukod sa nasangpit nga building tungod sa hiniusang suporta Lokal nga Panggamhanan pinaagi sa City Engineer’s Office ug sa Bureau of Jail Management and Penology - Caraga Region.