Gitimbaya sa mga miyembro sa sangguniang panlungsod sa syudad sa Butuan atol sa natigayong 8th regular session ang bag-ong napili nga City Government Department Head II sa City Civil Registrar’s Office nga si Amalia Que. Kini subay sa gipasa ni City Councilor Ehrnest John Sanchez nga SP Resolution No. 16-106-2023 isip pagpamatuod ug pag-uyon sa sangguniang panlungsod sa syudad sa Butuan sa bag-ong designasyon ni Que tungod sa dedikasyon ug commitment niini diha sa paghatag og serbisyo sa katawhan sa syudad. Si Amalia Que, 36 anyos nang nanerbisyo sa city government sa Butuan sugod tuig 2007 asa na-assign sa City Civil Registrar’s Office. Sumala ni Que magpadayon ang mga programa nga gipatuman sa buhatan ilabina ang paghatod ug pagpaduol sa serbisyo ngadto sa barangay level sama na lamang sa late ug birth registration aron mas sayon sa katawhan ang proseso.