Pagpalig-on sa mga Benepisyo sa mga Beterano sa WW II

Butuan City – Gi-siguro ni Mayor Ronnie Vicente C. Lagnada nga ang Lokal nga Panggamhanan sa Butuan maghatag og mortuary assistance sa mga military nga beterano pinaagi sa pag-aproba sa SP Ordinance No. 5809-2019 o “AN ORDINANCE EXTENDING MORTUARY ASSISTANCE TO THE SURVIVING FAMILIES OF WORLD WAR II MILITARY VETERANS OF BUTUAN CITY AND FOR OTHER PURPOSES.” Ilhon kini nga “Mortuary Assistance for Veterans Ordinance” nga gipangamahanan nila Konsehal Hon. Ferdinand E. Nalcot, Hon. Vincent Rizal C. Rosario, Hon. Cherry May G. Busa ug Hon. Gemma P. Tabada.
 
Katuyuan niining ordinansa nga ma-implementar ang mandato sa Republic Act (R.A.) no. 6498 o “An Act Standardizing and Upgrading the Benefits For Military Veterans and their Dependents” ug apil na usab ang pagpakita og apresasyon sa LGU Butuan ngadto sa mga beterano nga nakigbisog aron panalipdan ang kagawasan sa atong nasud.
 
Napulo ka libo ka pesos (P10, 000.00) ang ihatag sa LGU Butuan sa nabilin nga pamilya sa WW II nga beterano nga lumulupyo sa dakbayan sa Butuan ug narehistro nga miyembro sa Veterans Federation of the Philippines (VFP).
 
Adunay mga dokumento nga angay andamon sa pamilya sama sa Death Certificate, Veterans ID, Certification from Post Commander, Barangay Certification, Claimants ID ug mga dokumento nga nagpamatuod sa relasyon sa claimants sa namatay nga miyembro.  Nakalatid usab ang silot nga duha ka libo ka pesos (2, 000.00) alang sa mga dili tinuod o nanglimbong aron makakuha lamang sa maong benepisyo.

Get in touch with us

Contact us

Republic of the Philippines

Office of the City Mayor

J.Rosales Avenue, Doongan

Telephone no.      (085) 342-3074

Fax No.                  (085) 225-5737

Email Address:   cmo_butuan7@yahoo.com

Education - This is a contributing Drupal Theme
Design by WeebPal.