Love Bazaar para sa mga Indigent Gimugna sa mga Department Heads sa Panggamhanang Lokal sa Butuan

BUTUAN CITY– Gipakita sa mga Department Heads sa Butuan City Government ang paghinigugmaay pinaagi sa paghinatagay! Gipahigayon ang Valentine’s Shopping Spree o Love Bazaar sa Butuan City Hall Lobby atol sa Adlaw sa Kasing-kasing alang sa mga indigent sa dakbayan.
Human sa mubo nga opening program nga gipangunahan ni City Administrator Rey Desiata, dayong giablihan ang Love Bazaar diin ang mga indigent nga benepisyaryo tagaan sa CSWD og Gift Coupon.  Pinaagi sa coupon mamahimo sila makaangkon og nagkalain-laing klase sa dry goods sama sa segunda mano nga sanina, sapatos, dulaan ug uban pang mga butang nga nagkantidad og kwatro syentos pesos. Gawas niini, makadawat usab sila og bugas nga nagkantidad og 100 pesos.
Gipahayag usab ni CSWD Chief Golda Pocon nga namugna kini nga aktibidad atol sa Team Alignment Workshop nga gipahigayon sa Cagayan de Oro City. Gikasabotan nga modonar ang matag Department Head og bisan unsang items nga mamahimo pang mapuslan.
Nagmalampuson ang pinakaunang Love Bazaar sa LGU Butuan tungod sa panaghiusa ug manggihatagon nga kasing-kasing sa mga Department Head para sa mga kabus.

Get in touch with us

Contact us

Republic of the Philippines

Office of the City Mayor

J.Rosales Avenue, Doongan

Telephone no.      (085) 342-3074

Fax No.                  (085) 225-5737

Email Address:   cmo_butuan7@yahoo.com

Education - This is a contributing Drupal Theme
Design by WeebPal.