Drivers ug Operators Gipailawum sa Safety Driving Seminar

BUTUAN CITY –Gihingusgan sa lokal nga panggamhanan sa Butuan pinaagi sa buhatan sa Land Transportation Traffic Management kon LTTMO  ang pagpahigayon og safety driving seminar alang sa tanang mga driver-operators sa motorized tricycle for hire,  motorized trisicad for hire, single motor for hire ug motorela sa dakbayan nga nagsugod niadtong bulan sa Nobyembre tuig 2018  hangtud sa katapusan ning bulan sa Enero tuig 2019 nga magsugod sa ala-una   hangtud alas singko sa kahapunon didto mismo sa buhatan sa LTTMO.
 
Kini nga kalihokan alayon sa pagpatuman sa SP Ordinance No. 3616-2010 “AN ORDINANCE ESTABLISHING THE TRAFFIC AND TRANSPORTATION CODE OF BUTUAN CITY” aron makakuha sa sertipiko homan sa seminar nga usa ka rekisito sa renewal sa registration o paglukat og Motorized Tricycle Operators Permit (MTOP).
 
Gitudlo usab ug gipasabot sa nahisgutang buhatan ang mga basic traffic rules and regulations, traffic and directional signs, motorized tricycle color code, safety driving, anger management, proper grooming, apil pagmintinar sa kalimpyo sa palibot ug uban pa.
 
Gisiguro sa Lokal nga Panggamhanan nga adunay saktong kahibalo ang mga pampublikong drayber sa saktong pamalaod sa pagpadagan sa sakyanan, safety tips sa pag-drive apil na ang pag-respeto sa mga pasahero ug isig ka-driver.

Get in touch with us

Contact us

Republic of the Philippines

Office of the City Mayor

J.Rosales Avenue, Doongan

Telephone no.      (085) 342-3074

Fax No.                  (085) 225-5737

Email Address:   cmo_butuan7@yahoo.com

Education - This is a contributing Drupal Theme
Design by WeebPal.