3rd ICT Mindanao Conference Nagmalampuson

Butuan City - Sa pinakaunang higayon nahimong host ang Butuan City uban ang Caraga ICT Council ug ang Caraga Federation of ICT Councils sa malampusong gilusad nga  3rd ICT Mindanao Conference sa dakbayan sa Butuan nga gisugdan niadtong Setyiembre 25, 2018 didto sa Almont Inland Resort, niining dakbayan. Kini sa pagtambayayong sa National ICT Confederation of the Philippines (NICP) ug ang Department of Information and Communication Technology (DICT).
 
Mokabat kapin 300 ka mga partisipante nga mga propesyonal ug estudyante ang mitambong sa duha ka adlaw nga kalihokan nga naggikan sa lain-laing lugar sa nasud nga gi-abi-abi sa amahan sa dakbayan Engr. Ronnie Vicente C. Lagnada uban ni City Councilor ug Caraga ICT Council President Hon. Cherry May G. Busa.
 
Sa maong conference nahisgotan ang mga nindot nga ICT development ug mga bag-ong innovation platform sa ICT industry. Nagdala kini sa temang: “BRITE Mindanao: Building Resources Towards ICT-Based and Technology-Driven Ecosystem In Mindanao.”
 
Sa mensahe ni Mayor RCL, iyang gibutyag nga kining conference nagpakita sa pagkaandam ug saktong kapasidad sa dakbayan sa Butuan isip usa sa ICT hub sa Mindanao. Iya usab gipasabot nga ang kalambuan sa ICT makab-ot kung adunay maayo nga pagdumala sa gobyerno, lig-on nga pagpangulo ug pakigtambayayong sa academe ug industry.
 
Kini nga kalihokan nahimong lugar diin ang private sector, academe, startup, technopreneur, government agencies ug ICT stakeholders mahimong magtapok aron paghisgot sa pag-uswag sa mga talent ug inisyatibo nga makatabang aron makab-ot ang hayag nga kaugmaon sa ICT industry sa Mindanao.

Get in touch with us

Contact us

Republic of the Philippines

Office of the City Mayor

J.Rosales Avenue, Doongan

Telephone no.      (085) 342-3074

Fax No.                  (085) 225-5737

Email Address:   cmo_butuan7@yahoo.com

Education - This is a contributing Drupal Theme
Design by WeebPal.